Asteburu honetan bi kontzertu izango ditugu #HariaTour biraren baitan. Ostiaralean, hilak 27, Gironako SALT-en izango gara, bertako txosnetan (barraques).

Larunbatean, aldiz, aurtengo udan Euskal Herrian emango dugun kontzertu bakarra dugu LARRABETZU-ko Gazte Egunean.

Bi emanaldiok doan dira eta bietan ere Willis Drummond-eko lagunak izango ditugu taulakide.

Asteburu honetan bi jaialditan izango gara.

Uztailaren 20an, ostirala, Miarritzeko BIG FESTIVAL-en (Lapurdi, EH) arituko gara. Halle d’Iraty eszenatokia izango da geurea. Informazio gehiago, ordutegiak, sarrerak, hemen.

Larunbatean, aldiz, Benicassimgo COSTA DE FUEGO-n joko dugu. FIB jaialdiaren gune berean ospatuko den jaialdi honetan, Marilyn Manson, In Flames, Cancer Bats, Toundra eta beste hainbat talderekin joko dugu. Egin klik irudian informazio gehiago jakin nahi izanez gero.

BTX-ek Bartzelonan joko du datorren Uztailaren 14an, ‘Montjuïc de Nit‘-en egitarauaren baitan.

Emanaldi hauek doan izango dira eta hiriko hainbat eszenatoki hartuko dituzte. BTX-ekin batera Manos de Topo, Sidonie eta abar luze bat arituko dira.

Klikatu irudiaren gainean egitarau osoa ikusteko.