Uztailak 1ean, asteartearekin, BERRI TXARRAK taldearen kantu berria entzuteko aukera izango da estrainekoz. Virginia Díaz esatariaren ‘180º’ irratsaioan izango da (Radio 3), ‘Bandera Negra’ tarteko, goizeko 11etatik 12tarako tartean.
‘Etsia’, bizi dugun aroan txertaturiko kantua da inondik ere, hirukoak Venicen (Kalifornia, AEB) ROSS ROBINSON ekoizlearekin batera grabatua (The Cure, At The Drive-In…). Berri Txarrak-en 20. urteurrena betetzen den honetan, sortze prozesu berezi batean murgilduta dago taldea. Kantu hau urte amaieran kaleratuko den lan berriaren parte izango da.
