HITZEN OINARRI AHULA

Joko honen arauak aspaldian
zeuk bakarrik jartzen dituzunean
jakin nahi nuke
irabaztea
zer den zuretzat

ikara haizatzea denean
etekinei eusteko bide motzena
jakin nahi nuke
bakea bera
zer den zuretzat

pertsonekin ere
jabetza bezalako hitzekin aritzean
jakin nahi nuke
maitasuna
zer den zuretzat

Denbora da poligrafo bakarra

III- XAKE-MATE KULTURAL BAT

1- Zerbait asmatuko dugu

2- Hemen sukaldarien herrian

3- Orain norbait zara

4- Hitzen oinarri ahula

5- Xake-mate kultural bat

6- Bigarren eskuko amets