BERRI TXARRAK taldearen “Payola Tour” bira Frantzia eta Suitzara helduko da Otsail honetan, disko berria Europako hainbat herrialdetan kaleratzearekin batera.

Hiruko nafarrak Parisen ekingo dio kontzertu sorta honi, hiriburuan bi emanaldi eskainiko dituelarik (horietako bat Goeland TV-n). Ondoren Suitzara joko du taldeak, bertan beste lau kontzertu eman asmoz.

2010-II-05: PARIS @ La Java

2010-II-06: PARIS @ Goeland TV

2010-II-11: ZÜRICH @ Drucki

2010-II-12: BASEL @ Villa Rosenau

2010-II-13: BERN @ Hirscheneck

Bi hilabeteko geldialdiaren ondoren, BTX berriz ere taulagainera igoko da, asteburu honetatik aurrera. Ezin gogotsuago gaude zuzenekoei berriz ere ekiteko. Hasteko, Urtarrilaren azken asteburu honetan Katalunya eta Euskal Herria izango ditugu jomuga.

Ostiralean, hilak 29, Matarón (Bartzelona) arituko gara, bertako Clap aretoan. Emanaldi honetarako sarrerak salgai daude oraindik. Larunbatean, berriz, Bermeoko (Bizkaia) Kafe Antzoki berrian arituko gara estrainekoz, Muy Fellini bikote nafarrarekin batera. Kontzertu honetarako sarrerak aspaldi daude agortuta.

Bertan elkar ikusiko dugulakoan, besarkada bat taldekideen partez!

Laster batean errepidera itzuliko gara, dakizuenez, eta kontzertuen atalean emanaldi berriak iragartzen ari gara tarteka-marteka.

Bada, dagoeneko salgai daude datozen hilabeteetan aretoetan joko ditugun kontzertuetarako sarrerak:

-2010/II/20: ELIZONDO @ Lur (12/15€) . (Aurresalmenta puntuak hemen ikusgai)

-2010/II/26: MADRIL @ Heineken (+ Cohen) (15/18€) (www.ticketmaster.es)

-2010/III/27: BARAKALDO @ Rockstar Live (+ R) (13/19€) (Aurresalmenta puntuak hemen)

Mugi sarrerekin!!

Urtea amaitzean ohikoa denez, musika aldizkariek euren zerrendak kaleratu dituzte beste behin. Bada, “PAYOLA” diskoa hainbat hedabidek nabarmendu du urteko disko onenen artean.

ROCKZONE aldizkariak, esaterako, Estatuko 2009ko diskoen zerrendan gorenean kokatu du, 2009 URTEKO DISKORIK ONENA dela nabarmenduz. MONDOSONORO aldizkariak, aldiz, urteko 40 lan aipagarrienen zerrendako erdialdean jarri du “Payola”, 20. postuan, hain zuzen ere. HEAVY ROCK, METAL HAMMER eta KERRANG! -ek euren erredaktoreen disko kuttunen zerrendak plazaratu dituzte eta bertan ere “Payola” agertzen da bat baino gehiagotan.

Euskal Herrian, Radio Euskadiko Joseba Martin bezalako kazetariek ere aipamen berezia egin diote diskoari, BERRIA egunkariaren orrialdeetatik egin ere.

Berri Txarrak taldeak 2010eko SOUTH BY SOUTHWEST (SXSW) jaialdian joko du. Jaialdi hau Estatu Batuetako musika erakustokirik handienetakoa da eta urtero milaka zale eta musikagintzako langile erakarri ohi ditu. SXSW jaialdia betiko legez AUSTIN hirian ospatuko da (Texas, AEB), Martxoaren 17an hasi eta 21a arte.